Bläck Fööss

Mer bruche keiner

 

Text und Musik: H. Knipp, Bläck Fööss

 

Hey hey – ahl Säu!

 

Mer bruche keiner, keiner, dä uns sät,

wie mer Fastelovend fiere deit.

Mer bruche keiner, dä de Schnüss opmät,

dä se besser halden dät.

Denn he en Kölle danz d´r Bär.

Mer fiere Fasteleer.

Mer maachen dat zick zweidausend Johr,

un dat bliev su, wie et wor.

 

Et jitt jo Lück, die immer alles besser wesse.

Jo, dat kennt mer jo.

Mihstendeils han die bloß schläch jedresse.

Jo, och dat es wohr.

Ob se en Mötz anhan oder en Ledderjack,

´ne halve Sturzhelm oder einfach nur ene Frack.

 

Mer bruche keiner…

 

Et jitt jo Lück, die iwich schlauer sin als and´re.

Jo, dat kennt mer jo.

Die Jecke han doch bloß en Ähz am wand´re.

Jo, och dat es wohr.

Denne fählt en Pappnas un en decke Trumm,

denne fählt ne Nüggel un en prima Prumm.

 

 

Mer brumme keiner…

 

Ahl Säu - Ahl Säu - Ahl Säu - Ahl Säu

Ahl Säu - Ahl Säu - Ahl Säu - Ahl Säu

 

Denn he en Kölle weed jedanz,

kumm Jeck, loß Jeck elans.

Eines Dachs kütt jeder an de Reih´.

Am Äschermettwoch es alles vorbei.

 

La la la la la…..