Räuber

Am Eigelstein es Musik

 

 

Am Samstag wor widder ens Danz aanjesaat,

un jeder, de kunt, wor dobei.

Die Müllers, die Meiers, die Lehmanns, dä Schmitz,

us Neppes sujar Onkel Hein.

De Musik, jo die wor ald öm zehn Uhr blau,

un op einmol saat dann d’r Weet:

„Och Rita kumm loss mer ens danze jonn,

ens luure, ov et immer noch jeht.“

 

Am Eigelstein es Musik – am Eigelstein es Danz.

Jo da pack dat decke Rita däm Fridolin…

am Eigelstein es Musik – am Eigelstein es Danz.

Jo da pack dat decke Rita däm Fridolin

am Trallalalalalala …

 

Jetz kom och dä Heinrich su richtig en Form,

vorbei woren all sing Ping.

Un hä saat: „Man müsste noch mal …“

Jo do feel em de Brill en d’r Wing.

Et Höhneraugs Cilli, dat danzte mem Jupp,

su wie fröher met Schwung durch d’r Saal.

Un Rudi. der Geiger. o dä stemmte jrad an,

dä Tango Kriminal.

 

Am Eigelstein es Musik – am Eigelstein es Danz….

 

Doch öm vier en d’r Fröh kom et Abschiedsleed,

selvs d’r Weet jo dä kunnt nit mih stonn.

Immer dann wenn et gerade am schönste es,

saat dä Hein: „Jo dann soll mer och jonn“.

 

Am Eigelstein es Musik – am Eigelstein es Danz….